“Yérase que se yera una viesca non mui llonxana, onde los animales que l’habitaben tocaben, caún, un instrumentu musical... Un día, llega una neña y propón-yos daqué que va a camuda-yos la forma de rellacionase...”

Acompañada de tolos sos instrumentos (ukelele, contrabaxu, xilófonu, pianu...), la narradora va dir dando vida a diversos animales de la fauna asturiana (osu, raposu, raitán, melandru, curcuspín) nun cuentu interactivu onde la reciella van aprender los nomes de los diferentes instrumentos de música y van descubrir que la cooperación ye clave pa llograr grandes coses.