Umbral Zero ye un conciertu visual qu´esplora la idea del “cero” como puntu d´orixe, silenciu, vacíu fértil y posibilidá de tresformación. Al traviés d´un percorríu musical estructurao con curiáu, l´espectáculu propón una esperiencia inmersiva onde la música en directu dialoga con proyecciones visuales de calter astractu y poéticu.

La propuesta combina obres contemporánees con creaciones propies desenvueltes nel marcu de CreArtBox y del Festival ADAR, integrando soníu, imaxe y espaciu escénicu nuna dramaturxa continua. El conceptu de “averase a cero” plantégase como un procesu de depuración, escucha fonda y reconexón colo esencial.