NÍA Nosoutras Escurrimos Arte ye un documental realizáu en gallego-asturianu, producíu por Mialma Producióis Creatives y realizáu por Barenta Report, dos iniciatives de la contorna, con banda sonora orixinal de Vero Rubio. Les protagonistes son seis muyeres del Eo-Navia, en concreto de Figueres na ría del Eo, de los Ozcos y de Xío y Sampol, nos conceyos d’Eilao y Bual. Un territoriu que se convierte nun protagonista más cola guapura de los sos paisaxes.

L’actividá inclúi la proyección del documental (45 minutos) y una charra-alderique posterior (1 hora y 15 minutos).