Una actividá que conecta lliteratura, arte y memoria cultural, convidando a neñes y neños a descubrir el pasáu al traviés de los cuentos y de les imáxenes, y a reflexonar sobre cómo camudaron les nueses formes de vida.

A partir de la llectura de fragmentos del cuentu El llibru de la viesca, de Mª Josefa Canellada, les neñes y los neños van averase a cómo yera la vida nel pasáu, cuando les persones vivíen más directamente amestaes a la naturaleza, al trabayu nel campu y a los ritmos de la viesca y del paisaxe. 

El taller tamién propón descubrir cómo eses formes de vida apaecen tamién representaes na pintura d’artistes como Paulino Vicente, Nicanor Piñole, Ventura Álvarez Sala o Evaristo Valle, que repararon y retrataron la vida del so tiempu. Al traviés d’una introducción visual y un xuegu d’observación, los participantes van deprender a mirar los cuadros como si fueren ventanes al pasáu, descubriendo detalles sobre cómo se vivía, se trabayaba y s’habitaba’l territoriu.

Na parte final de l’actividá, cada participante va realizar la so propia escena inspirada na vida tradicional, combinando dibuxu, color y imaxinación pa representar una hestoria pequena de la vida d’enantes.