Nun mundu nel que la intelixencia artificial forma parte cada vez más del nuestru día ente día, con esta propuesta pretende reivindicase’l valor de la creatividá y la imaxinación como parte esencial de la nuesa humanidá. 

Al traviés del xuegu, dinámiques grupales y la observación d’álbumes ilustraos ensin pallabres, vamos activar la nuesa mente pa crear les nueses propies hestories. El taller va rematar cola creación d’un "kit d’inspiración lliteraria". Una caxina que cada participante va llevar y na que se van incluyir imáxenes, un dadu d’hestories y frases, pa que puedan siguir creando en casa.

Una sesión dedicada a espertar l’interés pola lliteratura dende la creación, averando’l procesu creativu a toles edaes d’una manera activa y llúdica. Y ye que la intelixencia más sorprendente sigue siendo la humana.