Últimos VídeosNoticies

El circuitu d’artes escéniques del programa Asturies cultura en rede va movilizar 270.000 euros nel primer semestre

Artes Escéniques

La programación impulsada pola Conseyería de Cultura, Política Llingüística y Turismu en collaboración colos ayuntamientos prevé 116 funciones en 41 conceyos

El circuitu d’artes escéniques d’Asturies, Cultura en rede tien previstes hasta xunu 116 representaciones en 41 conceyos asturianos con una inversión total de 270.000 euros. La Conseyería de Cultura, Política Llingüística y Turismu impulsa’l ciclu en collaboración colos ayuntamientos. La programación del primer semestre permitirá al públicu disfrute de los montaxes de 44 artistes, compañíes y empreses.
 
Durante la primera metá del añu, el cartel aglutina propuestes destinaes a públicu de toles edaes, con propuestes escéniques de teatru y danza. La programación arrinca mañana, vienres, 4 de marzu, con funciones n’A Veiga, Gozón, Nava y Siero.
 
El ciclu ye una de les iniciatives puestes en marcha nel marcu del programa Asturies cultura en rede, xestionáu a través de Sociedá Pública de Xestión y Promoción Turística y Cultural del Principáu, y qu’inclúi circuitos temáticos de música, artes visuales, Xacobéu, cultura tradicional, literatura y Autores nel Camín. Na primer metá d’esti añu, esta iniciativa va movilizar hasta 701.500 euros pa llevar 465 espectáculos y actividaes por tol territoriu.
 
Mañana, viernes, 4 de marzu, el públicu va poder disfrutar n’A Veiga de Las historias escondidas que nunca se habían contado de las brujas, de la mano de David Acera. Higiénico Papel Teatro va poner n’escena Nunca nun se sabe, en Gozón; mientres que Luz de Gas Teatro recreará en Nava Tan noble reina como eres. Finalmente, ACAR Teatro del Mundo va interpretar Porno en Siero. L’axenda del fin de selmana acaba’l  sábadu con Danza para niños kinkis, de Proyecto Piloto, n’Uviéu; Matanza, d’El Encuentro Teatro y Ana Morán y Cía, en Llanes, y Cuarteto, de Higiénico Papel Teatro, en Castrillón. Otramiente, Teatro del Norte va tar en Valdés con La Xirgu.
 
La programación pa esti mes complétase con 14 propuestes más destinaes a tolos públicos. Asina, Ratoncito Pérez, la verdadera historia, de Teatro Plus, va programase en Ribeseya; Las piripiripiratas con parches y a lo loco... y con faldas que no es poco, de Factoría Norte, en El Franco, y La loka historia de Frankenstein, d’ACAR Teatro del Mundo, en Grau. La mesma compañía va representar tamién Garfio & Cía en Mieres. Per otru llau, Con M Mayúscula, de Kamante Teatro, va exhibise en Llangréu y en Carreño, y A otro con ese cuento, de Goli Teatro, en Muros de Nalón. Finalmente, Llázaro de Tormes, de Carlos Alba Cellero, va poder vese n’ Ayer.
 
La cartelera de marzu inclúi, amás, Mujeres que hicieron historia, de Cuéntame un Cuadro, en Balmonte; Voces, de Luz de Gas Teatro, en Tinéu y Xixón; La mujer perdida, de Teatro del Norte, en Noreña; Que me salga bien el niño, d’A66 Producciones, en Piloña; Lentas pero seguras, de Higiénico Papel Teatro, en Samartín del Rei Aurelio; Carmen, de la Compañía Antonio Perea; Konraza, en Navia, y Todo está allí, de Teatro del Cuervo, en Llanera y Villaviciosa, compañía que va representar, amás, Bojiganga en Llangréu.

Slide 2