Últimos VídeosNoticies

Convocatoria Circuitu Lliteratura 2º semestre 2022

Lliteratura

Convocatoria pa la selección de propuestes y posterior programación de dellos circuitos que contribuyan a la promoción y dinamización de distintes disciplines artístiques y culturales nel Principáu d’Asturies

La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos artísticos y culturales y ellaboración de dellos catálogos dixitales que valgan como base pa la programación posterior de dellos espectáculos y actividaes, que van ser representaos o exhibíos en  sales o espacios culturales allugaos en conceyos del Principáu d’Asturies nel segundu semestre del añu 2022.

Ta prevista la ellaboración d’un catálogu dixital por caúna d’estes disciplines:

a)     Proyectos d’artes escéniques.

b)     Proyectos musicales.

c)      Proyectos lliterarios.

d)     Proyectos de divulgación de la historia, l’arqueoloxía, el patrimoniu, la cultura popular y la tradición asturiana.

e)     Proyectos que contribuyan a esparder y dinamizar la conmemoración del Xacobéu.

f)     Proyectos que contribuyan a difundir y dinamizar l’itinerariu Camín de los Santuarios – Cuadonga 2022.

Les disciplines artístiques que pola so singularidá nun tean incluyíes nesta convocatoria van ser oxetu d’una convocatoria específica.

Nesta convocatoria establécense les bases y requisitos que van rexir el procedimientu pa la selección de los espectáculos o actividaes que van integrar los catálogos dixitales con respetu a los principios de publicidá, llibre concurrencia y oxetividá.

La solicitú, xunto cola documentación riquida, ha presentase esclusivamente al traviés del rexistru creáu al efectu, accesible al traviés de la URL http://panel.asturiesculturaenrede.es a partir del martes 22 de marzu a les 14:00 h.

Nun se van almitir propuestes que se remitan al traviés d’otres canales.

La hora y fecha tope de presentación de les solicitúes van ser les 14:00 hores del vienres 22 d’abril del 2022.

N’acabando’l plazu de solicitú, la plataforma va quedar inhabilitada pa facer cualquier tipu de cambéu na documentación presentao hasta que la convocatoria se resuelva.

 

Descargar les bases completes equí.

Subsanación derrores 24 de marzu de 2022 aquí.

Descarga los anexos a la convocatoria equí.

Slide 2