Últimos VídeosNoticies

Convocatoria Circuitu Música Asturies, Cultura en Rede xunetu - avientu 2023

Música

Convocatoria pa la selección de propuestes y posterior programación de dellos circuitos que contribuyan a la promoción y dinamización de distintes disciplines artístiques y culturales nel Principáu d’Asturies

14/03/2023.- La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos artísticos y culturales y ellaboración de dellos catálogos dixitales que valgan como base pa la programación posterior de dellos espectáculos y actividaes, que van ser representaos o exhibíos en  sales o espacios culturales allugaos en conceyos del Principáu d’Asturies del 1 de xunetu al 31 d’avientu del 2023.

Ta prevista la ellaboración d’un catálogu dixital por caúna d’estes disciplines:

a)     Proyectos d’artes escéniques previamente inscritos nel Catálogu de l’Actividá Escénica asturiana de calter profesional (finalizáu plazu el 12 de marzu).

b)     Proyectos musicales escéniques previamente inscritos nel Catálogu de l’Actividá Musical asturiana de calter profesional (finalizáu plazu el 12 de marzu).

c)      Proyectos lliterarios.

d)     Proyectos de divulgación de la historia, l’arqueoloxía, el patrimoniu, la cultura popular y la tradición asturiana.

Les disciplines artístiques que pola so singularidá nun tean incluyíes nesta convocatoria van ser oxetu d’una convocatoria específica.

Nesta convocatoria establécense les bases y requisitos que van rexir el procedimientu pa la selección de los espectáculos o actividaes que van integrar los catálogos dixitales con respetu a los principios de publicidá, llibre concurrencia y oxetividá.

La solicitú, xunto cola documentación riquida, ha presentase esclusivamente al traviés del rexistru creáu al efectu, accesible al traviés de la URL http://panel.asturiesculturaenrede.es a partir del miércoles 15 de marzu del 2023 a les 12:00 h.

Nun se van almitir propuestes que se remitan al traviés d’otres canales.

La hora y fecha tope de presentación de les solicitúes van ser les 12:00 hores del martes 4 d’abril del 2023.

N’acabando’l plazu de solicitú, la plataforma va quedar inhabilitada pa facer cualquier tipu de cambéu na documentación presentao hasta que la convocatoria se resuelva.

 

Descargar les bases completes equí.

Descarga los anexos a la convocatoria equí.

Descargar la composición del Comité de valoración equí.

Slide 2