Últimos VídeosNoticies

Abiertu’l plazu d’inscripción pa les actividaes profesionales d’Escena en Rede, Muestra d’Artes Escéniques

Artes Escéniques

20/04/2023.- Abrióse’l plazu d’inscripción pa participar nes actividaes profesionales d’Escena en Rede, Muestra d’Artes Escéniques, la muestra sectorial dedicada a les artes escéniques que va desenvolvese del 23 al 26 de mayu en Llaboral Ciudá de la Cultura nel marcu d’Asturies, Cultura en Rede.

La Muestra ta dirixida a programadores, xestores culturales, redes de teatru, compañíes, artistes y comunidá educativa. El programa incluye la representación d’espectáculos pa tolos públicos, una selección de presentaciones dinámiques, un espaciu destináu a alcuentros profesionales comerciales y una acción formativa sobre mediación nel ámbitu de les artes escéniques.

La inscripción ha realizase al traviés del formulariu disponible na web escenaenrede.asturiesculturaenrede.es. Pa participar nes presentaciones y nos alcuentros comerciales ha realizase la inscripción primero del 28 d’abril.

 

Dos espectáculos gratuitos pa públicu escolar

Escena en Rede, Muestra d’Artes Escéniques tamién ufierta dos espectáculos gratuitos pa públicu escolar los díes 23 y 24 de mayu nel Teatru de la Llaboral.

Adrián Conde va representar el martes 23 de mayu, a les 10:15 hores, la obra Recuerdos, un cuentu fantásticu sobre les emociones y la resiliencia, que convida a reflexonar sobre la importancia que tien la intelixencia emocional y el saber xestionala. El miércoles 24 de mayu, a les 10:15 hores, va mostrar el so espectáculu Geometría del alma, una fusión ente teatru visual, danza contemporánea y manipulación d’oxetos qu’espresen la relación ente les simples formes xeométriques y el cuerpu humanu.

P’asistir a estes actividaes ríquese realizar una reserva previa, que tien disponible la so solicitú na web de la Muestra. Les places, llimitaes, asígnense por rigorosu orde d’inscripción.

Asturies, Cultura en Rede ye un proyectu de la Conseyería de Cultura, Política Llingüística y Turismu realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.

Slide 2