Últimos VídeosNoticies

Empieza la programación del circuitu de narración oral d’Asturies, Cultura en Rede

Artes Escéniques

Nesti primer semestre va haber 53 eventos de 27 profesionales en 39 conceyos asturianos nel marcu d’esti circuitu temáticu nuevu

22/01/2023.- Esti martes 23 de xineru empieza la programación del circuitu nuevu de narración oral d’Asturies, Cultura en Rede col cuntacuentos La Curuxa Catuxa de Vero Suari y Inaciu Galán, basáu na obra homónima que llevó’l Premiu María Josefa Canellada de Lliteratura Infantil y Xuvenil, que’l públicu va poder disfrutar a les 17:00 hores en La Ribera.

El día 26 de xineru va haber amás narración oral con títeres colos Cuentos de Bulgaria de Teatro Plus a les 17:00 hores en Navia, y Cuentos de David Acera a les 18:00 hores en Ḷḷena con histories feches pa pensar y emocionase.

Hasta xunu, va haber 53 eventos de 27 profesionales en 39 conceyos asturianos nel marcu d’esti circuitu onde s’incluyen cuntacuentos, narración o llectures dramatizaes pa públicu de toles menes. La programación pue consultase n’asturiesculturaenrede.es.

Los circuitos d’Asturies, Cultura en Rede son un proyectu de la Viceconseyería de Cultura, Política Llingüística y Deporte, fechu en collaboración colos Conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.

Slide 2