14/01/2021.- La Sociedá Pública de Xestión y Promoción Turística y Cultural del Principáu d´Asturies promueve una convocatoria pa escoyer espectáculos de les distintes disciplines d´artes escéniques (teatru, danza, circu, maxa y teatru d´oxetos y títeres) realizaos o propuestos por compañíes profesionales, productores y distribuidores asturianes, d´ente los que formen parte del Catálogu de l´Actividá Escénica asturiana, pa la so programación nel primer semestre de 2021.

L´oxetu de la presente convocatoria ye la selección de proyectos artísticos d´artes escéniques pa la ellaboración d´un rexistru que valga como base pa la programación posterior de dellos espectáculos, que van ser representaos en distintes sales o espacios culturales allugaos en diferentes conceyos del Principáu d´Asturies nel primer semestre del añu 2021.

Con esta iniciativa preténdese complementar les programaciones habituales de los Conceyos cola contratación de dellos proyectos que se van poner a disposición de los consistorios.

Na presente convocatoria establécense les bases y requisitos que van rexir la mesma, mesmo que´l procedimientu pa la selección de los proyectos o espectáculos que van integrar el rexistru con respetu a los principios de publicidá, llibre concurrencia y oxetividá.

La solicitú, xunto cola documentación riquida va presentase al traviés de la URL http://panel.asturiesculturaenrede.es.

La hora y fecha límite de presentación de les solicitúes van ser les 14:00 hores del día 22 de xineru del 2021.

Descargar les bases completes equí.