12/05/2021.- La Sociedá Pública de Xestión y Promoción Turística y Cultural del Principáu d'Asturies promueve una convocatoria pa escoyer espectáculos de les distintes disciplines d'artes escéniques (teatru, danza, circu, maxa y teatru d'oxetos y títeres) realizaos o propuestos por compañíes profesionales, productores y distribuidores asturianes, d'ente los que formen parte del Catálogu de l'Actividá Escénica asturiana, pa la so programación nel segundu semestre del 2021.

L'oxetu d’esta convocatoria ye la selección de proyectos artísticos d'artes escéniques pa la ellaboración d'un rexistru que valga como base pa la posterior programación de dellos espectáculos, que van ser representaos en distintes sales o espacios culturales allugaos en distintos conceyos del Principáu d'Asturies nel segundu semestre del añu 2021.

Con esta iniciativa quier complementase les programaciones habituales de los Conceyos cola contratación de dellos proyectos que se van poner a disposición de los consistorios.

Nesta convocatoria establécense les bases y requisitos que van rexila, amás del procedimientu pa la selección de los proyectos o espectáculos que van integrar el rexistru con respetu a los principios de publicidá, llibre concurrencia y oxetividá.

La documentación riquío ha presentase al traviés del registru creáu al efectu, accesible al traviés de la URL http://panel.asturiesculturaenrede.es a partir del 15 de mayu del 2021 a les 8:00 h.

La hora y fecha tope de presentación de les solicitúes van ser les 14:00 hores del día 21 de mayu del 2021. N’acabando’l plazu de solicitú, la plataforma va quedar inhabilitada pa facer cualquier tipu de cambéu na documentación presentao hasta que la convocatoria se resuelva.

Descargar les bases completes equí.