Últimos VídeosNoticies

Convocatoria Música xunetu - avientu 2021

Música

24/05/2021.- La Sociedá Pública de Xestión y Promoción Turística y Cultural del Principáu d'Asturies promueve una convocatoria pa escoyer proyectos musicales interpretaos por bandes y/o solistes musicales, realizaos o propuestos por profesionales, promotores o distribuidores asturianes, d’ente los que formen parte del Catálogu de l’Actividá Musical Asturiana, pa la so programación nel segundu semestre del 2021. A partir de la selección, va conformase un rexistru de proyectos musicales, que va ponese a disposición de los Conceyos que tean interesaos n’axuntase a esta iniciativa.

L’oxetu d’esta convocatoria ye la selección de proyectos artísticos musicales pa la ellaboración d’un rexistru que valga como base pa la posterior programación de dellos conciertos, que van ser representaos en diferentes sales o espacios culturales allugaos en distintos conceyos del Principáu d’Asturies nel segundu semestre del 2021.

Con esta iniciativa quier complementase les programaciones habituales de los Conceyos cola contratación de dellos conciertos que se van poner a disposición de los consistorios.

Nesta convocatoria establécense les bases y requisitos que van rexila, amás del procedimientu pa la selección de los proyectos o propuestes musicales que van integrar el rexistru con respetu a los principios de publicidá, llibre concurrencia y oxetividá.

La documentación riquío ha presentase al traviés del rexistru creáu al efectu accesible al traviés de la URL http://panel.asturiesculturaenrede.es a partir del 25 de mayu del 2021 a les 8:00 h.

L’artista, profesional, productora o distribuidora va poder ver en tou momentu nel so perfil la documentación presentao.

La hora y fecha tope de presentación de les solicitúes van ser les 14:00 hores del día 31 de mayu del 2021. Desque remate’l plazu de solicitú, la plataforma va quedar inhabilitada pa realizar cualquier cambéu na documentación presentao hasta que la convocatoria se resuelva.

Descargar les bases completes equí.

Slide 2