Offplastic

Autor: Nuria Pozas

Disciplina: Cerámica artística

Descripción:

El proyectu Offplastic de Nuria Pozas involucra a los neños na problemática del cambéu climáticu y trabaya pa que los pequeños n’edá escolar seyan conscientes d’eso y cambien un elementu que normalmente ta fechu de plásticu por otru fechu en cerámica.

Esta ye la idea sobre la que pivota la propuesta que l’artista desenvuelve más ampliamente, al empar que fabrica xunto a la so fía delles pieces de cerámica: la pequeña, un platu; y Nuria Pozas, un vasu, d’una manera mui cenciella. Esti proyectu llevóse alantre l’añu pasáu nes aules de dellos centros educativos d’Avilés.

Nuria Pozas ye una artista multidisciplinar qu’esperimenta en dellos campos como la cerámica artística y contemporánea, l’alfarería, la fotografía, la ilustración o’l diseñu d’estampaos testiles. Ye miembru del Archivu d’Artistes asturianos de LLABoral Centru d’Arte y Creación Industrial, ye fundadora y presidenta del Colectivu d’Artistes Independientes "Los Purificados" y ye representante de l’asociación italiana Pandora Artistes Ceramistes. Actualmente desenvuelve dos marques propies: Lima&Limone, centrada n’estampación testil, accesorios de moda y complementos; y Nuria Pozas Ceramic&Design, dedicada a pieces utilitaries artístiques pa l’alta cocina y pieces cerámiques contemporánees pa esposiciones y museos.