Estatuarte

Autor: Hipnótica Circo Teatro

Disciplina: Artes escéniques

Descripción:

Hipnótica Circo Teatro presenta una propuesta pa tolos públicos que, con una visión positiva y humorística, amuesa les vicisitúes qu’encara una artista de la que ye’l procesu creativu.

L’actriz Minerva Álvarez va dar vida a una artista que participa nel reality show Estatuarte y que’l so retu va consistir en confeccionar en trés díes una pieza teatral de cai, pasando per toles fases creatives. Un homenaxe prestosu al cine d’humor mudo de Charles Chaplin, combináu col formatu reality show y tresnáu con una música orixinal creada pol músicu Pedro Acevedo.

Minerva Álvarez Barragán ye graduada en Trabayu Social. Lleva más de 10 años enriba los escenarios representado obres de circu y teatru, les más d’elles de conteníu social y pedagóxicu. La so formación xira alredor de les artes circenses (malabares, acrobacies, danza y clown): foi a cursos en circos como Circ Votanic en Grecia, Circo La Tarumba de Perú y trabayó con compañíes de teatru y circu social tan importantes como Circo El Tapeque de Bolivia o Gigantería en Cuba.