Luz, micro y punto en la sombra

Autor: Luz, micro y punto

Disciplina: Artes escéniques

Descripción:

Luz, micro y punto ye una compañía de teatru de solombres compuesta por Chantal, Verónica y Patricia, creadores y intérpretes que’l so trabayu básase na creación d’histories visuales y musicales. Na puesta n’escena, Patricia y Chantal trabayen nel aspectu visual usando técniques de teatru de solombres más tradicionales, pero tamién les más esperimentales, utilizando siempre imáxenes poétiques y artesanes. L’alma d’estes imáxenes ye la música, creada y interpretada a costafecha pa cada pieza por Verónica.

El proyectu que se presenta ta xebráu en trés partes, tantes como componentes tien la compañía y cases dende les que se fai cada actividá. Esta primer parte protagonízala la música. Verónica fala del so trabayu creativu dientro de Luz, micro y punto. Con gran variedá d’instrumentos y oxetos, busca les posibilidaes que-y puedan ufiertar los instrumentos que tien en casa, pa saca-yos otros timbres y efectos que pueda usar más p’alantre.