Años de andanzas nada magistrales

Autor: Ricardo Menéndez Salmón

Disciplina: Lliteratura

Descripción:

Pente medies d’un repertoriu d’imáxenes qu’arrinquen del año 1971 hasta llegar al momentu actual, una voz n’off esbilla la trayectoria lliteraria del autor, sirviendo un percorríu emocional y intelectual tanto de la singularidá que lu define (filies y fobies, influencies, propósitos) como de la colectividá onde s’inxerta (familia, llingua, comunidá política).

El resultáu val pa configurar el cronomapa y el cronotopu afectivu y ideolóxicu del oficiu d’escritor al empar que reflexa la poética, tanto a nivel éticu como estéticu, que define la trayectoria del autor hasta la fecha.

Ricardo Menéndez Salmón ye llicenciáu en Filosofía pola Universidá d’Uviéu. Autor d’un llibru de viaxes, dos colecciones de rellatos y doce noveles, el so últimu trabayu ye la memoir titulada No entres dócilmente en esa noche quieta (Seix Barral, 2020). Escritor residente na Bogliasco Foundation de Liguria y Premiu a la Escelencia Artística del Gobiernu de Baviera na Internationales Künstlerhaus Villa Concordia de Bamberg, la so obra ta traducida al alemán, catalán, francés, holandés, italianu, portugués y turcu. Les sos noveles obtuvieron gallardones como’l Premiu Biblioteca Breve por El Sistema, el Premiu Las Américas por Niños en el tiempo y el Premiu Cálamo por La luz es más antigua que el amor.