Nuevos Formatos Nuevos Imaginarios

Autor: Pablo Ibáñez

Disciplina: Lliteratura

Descripción:

Nuevos Formatos Nuevos Imaginarios ye una investigación y publicación qu’esplora cómo los nuevos procesos, formatos y contestos de producción de conocimientu, arquitectures, información o verdá, presenten interrogantes nuevos qu’han encarase dende la práctica espacial crítica. Imáxenes probes, circulacionismu, memes, arquitectura forense, resurrección biolóxica, arquitectures del simulacru, xenofeminismu...

Esti proyectu propón un percorríu pel procesu d’investigación y edición d’esta publicación, amás de pelos conteníos que la traviesen, pa entender la potencia de lo editorial como dispositivu d’investigación y la necesidá de construyir espacios especulativos y interdisciplinares como formes d’abordaxe, dende lo arquitectónico y les práctiques artístiques, de los procesos que marquen les axendes globales.

Pablo Ibáñez Ferrera ye arquitectu y editor. Arquitectu pola ETSAC (2016) y Máster en Proyectos Arquitectónicos Avanzaos pola ETSAM (2018). Ye cofundador y coeditor de Bartlebooth, plataforma editorial independiente qu’examina la práctica espacial contemporánea. El so trabayu foi premiáu na Bienal Iberoamericana d’Arquitectura y Urbanismu (2019), la Bienal Española d’Arquitectura y Urbanismu (2018) y Arquia/Próxima (2018). Foi espuestu en contestos como la Bienal d’Arquitectura de Venecia (2018), el Muséu Reina Sofía (2019), Matadero Madrid (2020) o’l Muséu d’Arquitectura y Diseñu de Ljubljana (2018).