El camín de la espluma

Autor: Alfredo González

Disciplina: Música

Descripción:

Nesti proyectu Alfredo González desenvuelve’l so procesu de creación d’una canción, que compara col de formación y rotura de les foles na mar hasta facese espluma. Va esplicar cómo entama los cantares, va analizar les circunstancies qu’arrodien a un autor, que marquen l’aniciu d’una lletra o una melodía y que pueden moderar temática pero tamién la estructura, les distintes partes d’ella o’l títulu, y el procesu final que remata cola llegada d’esi cantar al públicu.

Amás, tamién va tratar de cuestiones más técniques, como los cambeos d’instrumentu compositor (si hai), el cuidáu colos acentos y les redundancies y los distintos cambeos harmónicos y rítmicos qu’asoceden nel procesu. Tamién de los distintos soportes qu’usa pa escribir y de los sos vezos como autor.

Alfredo González ye escritor de cantares y poeta, anque a él présta-y definise como "escritor de serviyetes". Empezó la so carrera musical nel 2004 col discu La vida de alquiler, anque foi nel 2008, cuando publica La nada y tu y Dudas y precipicios, cuando empieza a ser un nome respetáu na escena asturiana al ganar el Premiu al Meyor Cantar y tres Premios AMAS. Nel 2016 publica’l so primer llibru, un poemariu tituláu Hijas ilegítimas, col que tuvo cinco selmanes siguíes ente los más vendíos de poesía. Nel 2018, el cantar “La nada y tu” ye escoyíu por un comité de 30 personalidaes del mundu de la cultura como’l novenu meyor cantar de la hestoria de la música n’asturianu. En febreru del 2019 edita’l discu Afluentes.