Insecta

Autor: Carla Armas

Disciplina: Música

Descripción:

De la mano de la compositora asturiana Carla Armas adientrámonos nel mundu de la composición de música adaptada a un productu audiovisual concretu y descubrimos el trabayu que ta desenvolviendo actualmente Armas pa la serie d’animación Insecta, sobre la vida na Tierra depués del desaniciamientu de los humanos.

¿Qué indicaciones-y lleguen dende la productora de la serie? ¿Cómo s’encara con esti trabayu? ¿Con qué instrumentos y medios técnicos trabaya? ¿Qué aporta la so banda sonora al proyectu?

Carla Armas ye compositora, cantante y productora musical. Dispón d’un estudiu propiu n’Uviéu, onde trabaya faciendo música p’audiovisuales (películes, documentales, publicidá…) y canciones por encargu. Titulada en Pianu (Grau Profesional) y en Composición (Grau Superior), actualmente compaxina’l trabayu como compositora cola docencia nel Grau en Música de la Universidá Internacional de la Rioxa.