Súper8mm

Autor: Irene Pis

Disciplina: Cine

Descripción:

Va unos años aterrizó nes manes d’Irene Pis un tomavistes col qu’empezó a rodar proyectos pequeños en carretes analóxicos de S8mm, estelada delantre d’aquello que dalgunos llamen “la maxa del cine”. Dende entós, bona parte del so trabayu desenvuélvese en base a la filmación y l’animación artesanal de celuloide cinematográfico. Nel videu que presenta, la cineasta esplica’l procesu nel so propiu estudiu. Va repasar toles fases del procesu de manipulación de negativos, edición y dixitalización, meciéndoles con exemplos de trabayos yá realizaos pa delles esposiciones. Amás d’amosar el procesu y el so espaciu habitual de trabayu, va facer esplicaciones curties de referencies cinematográfiques y de conceptos fílmicos, artísticos, técnicos y tamién la rellación qu’existe ente estética y significáu.

Irene Pis ye diplomada en Cine y Comunicación Audiovisual pola London University of the Arts. Nel so tiempu na universidá collabora y trabaya en proyectos cinematográficos producíos pola Creative Skillset Academy y el London Film Festival y produz, xunto a Gary Mcquigging, el curtiu documental The Elephant Without a Tail, nomináu a meyor curtiumetraxe documental británicu del 2011 pol British Film Institute. Vuelve a Asturies y fai’l so primer trabayu como ayudante d’arte pa una película dirixida por Carlos Therón. Ye ehí onde depriende la praxis de los decoraos cinematográficos y desenvuelve la so pasión por diseñalos y construyilos.