Ventanes poétiques

Autor: Inaciu Galán

Disciplina: Lliteratura

Descripción:

Un poeta confináu. El procesu creativu embaxo la única inspiración de les vistes dende la ventana, na soledá y en comunidá. Reflexones, imáxenes d’un procesu dividíu en dellos díes nos que l’autor da-y vueltes a les idees y reflexona a mou de diariu audiovisual sobre la creatividá, el momentu y el futuru. La obra remátase col recitáu d’un poema creáu nesos díes, tres el procesu esplicáu de forma audiovisual.

Inaciu Galánye doctor pola Universidá d’Uviéu cola investigación La llingua asturiana nel Franquismu, ye escritor, periodista y xestor cultural. Pol so llabor a favor del asturianu foi reconocíu col Premiu Urogallo, al que se suma a una llarga riesta de premios lliterarios, ente los que destaquen el Premiu Fernán-Coronas de poesía o l’Enriqueta González Rubín de periodismu. Autor del primer diccionariu billingüe asturianu-inglés/inglés-asturianu, asoleyó tamién un llibru pa la reciella Nel, el coríu que nun sabía nalar, trés poemarios Tierra podre, Patria en pallabres menores y Nes ruines de la nueche y les hores; y un volume cola so narrativa Cartes nel horru (y delles hestories más), presentáu dende casa neste selmanes

El so llabor nel ámbitu lliterariu llevólu a fundar y dirixir a lo llargo de más d’una década la revista Formientu, dedicada a autores mozos. En 2018 fundó Cuatro Gotes Producciones, dende la que llevó alantre proyectos como la plataforma de youtubers n’asturianu PlayPresta, que foi premiu Gava 2019 a la meyor anovación tecnolóxica nel campu audiovisual, o’l programa Mundu Sidreru (TPA), ente otros. Nestos díes de tar en casa en cuarentena codirixe’l festival #FormientuEnCasaFest que dende la plataforma Formientu.com entamó más de mediu centenar d’actos culturales, collabora n’actividaes culturales y pon clases d’asturianu nel espaciu EducasturTV, en TPA.