Muséu Etnográficu de Grandas de Salime “Pepe el Ferreiro”

Grandas de Salime

Slide 2
Slide 2

Muséu de xestión pública creáu en 1984 a partir de la colección axuntada pol so fundador, José María Naveiras Escanlar (Pepe el Ferreiro). En 1989 treslladóse de los baxos de la Casa Conceyu a la so ubicación d´anguaño, ocupando la vieya Casa Rectoral de la villa, edificiu del sieglu XIX remocicáu. La esposición amuesa´l mou de vida de la sociedá campesina tradicional del occidente asturianu, incorporando tamién elementos d´otres partes d´Asturiesy de diverses zones peninsulares y europees. Ocupa una superficie de más de 3.000 m2 repartida en tres edificios qu´exemplifiquen distintos modelos d´arquitectura tradicional. Na Casa Rectoral recréense la vivienda y los trabayos campesinos. A Casoa, modelu de vivienda de la nobleza rural con capiya propia, acueye la escuela, el comerciu, la barbería y otros oficios nel ámbitu rural. La Casa del Molineru da abellugu al taller y les esposiciones temporales. Nel recintu del muséu allúguense, amás, el molín y otros elementos básicos na economía campesina ente los que destaquen los modelos de graneru, representaos por una panera, un cabazo y un horru con cubierta de paya de centén. Oficios como la tornería tradicional rescatáronse del escaezu y desenvuélvense de manera habitual nun muséu que sigue calteniendo al vocación de muséu vivu qu´inspiró la so fundación.

 

Consulta l'axenda d'actividaes y eventos equí.
Servicios

Visites guiaes pa grupos escolares - Esposiciones temporales - Demostraciones d´oficios tradicionales (temporada alta) - Xuegos tradicionales (temporada alta) - Biblioteca

Accesibilidá

Entrada al recintu del Muséu afayáu pa persones con movilidá reducida. Ascensor nel edificiu de “A Casoa”.

Accesu con mascotes

Almítese l´accesu con mascotes al recintu del Muséu, pero non a los edificios de les esposiciones.

Observaciones

Cola situación provocada pola crisis sanitaria de la COVID-19 los horarios del Muséu fueron afayándose a la evolución de la situación y a les recomendaciones hixénico-sanitaries pal públicu y pa los trabayadores dictaes poles autoridaes competentes. Nel apartáu “Horarios” tán reflexaos los horarios vixentes anguaño afayaos a estes circunstancies. Estos horarios podríen sufrir cambeos.

Avenida del Ferreiro, 17

33730 Grandas de Salime

T: 985627243 / 985627331 (Dirección)

 

CÓMO LLEGAR:

Per carretera

Dende Uviéu: Garrar la A-63, dirección Grau-La Espina, hasta salida 28. Garrar la AS-15 dirección Cangas del Narcea y siguir hasta PonteInfiernu. Dende ellí, siguir la AS-14 hasta Grandas de Salime.

Dende Xixón: Opción 1. Per Bual Garrar la A-8, dirección A Coruña. Na salida 498, garrar la N-632 hasta Navia. Dende Navia garrar la AS-12 hasta Grandas de Salime. Opción 2. Per A Veiga Garrar la A-8, dirección A Coruña. Na salida 484, garrar la N-640 hasta A Veiga. Dende A Veiga tomar la AS-11 hasta la Garganta. Siguir pela AS-13 hasta Pezós y dende ellí, pe la AS-12 hasta Grandas de Salime. Desde Lugo: Carretera LU-530 hasta A Fonsagrada. Dende ellí, garrar la AS-28 hasta Grandas de Salime.

En autobús de llinia regular

Llinia Navia-Grandas de Salime. Información en http://www.her-vei.com/

Llinia Uviéu-Grandas de Salime. Información en http://www.alsa.es/

HORARIOS:

Del 1 de xineru al 31 de mayu y del 1 d’ochobre al 31 d’avientu de 2021: 

De martes a vienres, de 10:30 a 17:00 h. Sábados y xueves y vienres santu (1 y 2 d’abril), de 11:00 a 18:00 h. Domingos y festivos (1 de mayu, 8 y 12 d’ochobre y 8 d’avientu), de 11:00 a 15:00 h.

Llunes, zarrao.

Zarrao: 1 y 6 de xineru, 1 de payares, 6, 24, 25 y 31 d’avientu.

Del 1 de xunu al 30 de setiembre de 2021:

De martes a sábado, de 11:00 a 18:00 h. Domingos y festivos (8 de setiembre), de 11:00 a 15:00 h.

Llunes, zarrao.

Zarrao: 16 de agosto.

TARIFES:

Xeneral: 1,50 €.

De 6 a 12 años (dambos inclusive): 0,30 €.

Reducida: 0,75 €. Grupos a partir de 15 persones, familia numberosa, socios Club Cultura Principáu d'Asturies, Pasaporte Cultural y Carnet Escolar. 

Entrada gratuita: menores de 6 años, grupos escolares con reserva previa, martes de tol añu, 18 de mayu (Día Internacional de los Museos), guíes turísticos profesionales (*), desempleaos (*), vecinos del conceyu de Grandas de Salime (*), el profesoráu (*) y miembros d'estes entidades (*): REDMEDA, ICOM, APME, ANABAD, AEM.

(*) Con acreitación