Cueva d´El Pozu´l ramu

Ribeseya

Slide 2
Slide 2

La Cueva d’El Pozu’l Ramu ye ún de los conxuntos rupestres mundiales del arte paleolíticu. En xunetu del 2008 declaróse, con otres cuatro cueves asturianes y doce más de Cantabria y el País Vascu, Patrimoniu de la Humanidá poles sos manifestaciones tan estraordinaries d’arte rupestre paleolíticu.

De los doce conxuntos que la formen, namás pue visitase unos meses al añu’l Panel Principal p’ayudar a la preservación y caltenimientu de la cueva.

Servicios

Visites guiaes namás en castellanu.

Accesibilidá

Desaconséyase la visita a persones con dificultaes de visión o movilidá.

Accesu con mascotes

L´accesu de mascotes nun ta permitío.

Observaciones

La edá mínima p´aportar a la Cueva ye de 7 años.

La duración de la visita ye d’una hora.

Imprescindible máxima puntualidá. El veceru tien de dir a la recepción del Centru d´Arte Rupestre de Tito Bustillo, asitiáu a 300 metros de la entrada a la Cueva, polo menos con 30 minutos d´antelación al respective del horariu del so pase pa identificar les sos entraes. En casu contrariu va perder el derechu d´entrada.

La compra d´entraes pue realizase online y de manera presencial na recepción del Centru d´Arte Rupestre. La visita ta acutada a un númberu máximu de 30 persones al día, polo que nos periodos de máxima afluencia ye imprescindible realizar la compra online de les entraes con muncha antelación.

El miércoles ye´l día d´accesu gratuitu. Hai que retirar les entraes siguiendo´l mesmu procedimientu que pa los díes de pagu. Si nun van asistir, ruégase que lo comuniquen nel 902 306 600 / 985 185 860 o nel corréu electrónicu reservas@turismoycultura.asturias.es

Aconséyase l´usu de ropa d´abrigu y calzáu afayadizo, porque se trata d´un terrén enllamorgao, húmedo y esbarioso. La temperatura interior na Cueva ta alredor de los 13 ºC.

Nun ta permitío sacar semeyes nin filmaciones dientro de la Cueva d’El Pozu’l Ramu nin introducir bébora o comida.

Nun ta permitío fumar.

Aconséyase nun dir a la visita con oxetos, mochiles o paragües porque nun hai taquilles.

L'accesu al edificiu pel que s'entra a la cueva d'El Pozu'l Ramu y a La Cuevona d'Ardines va facese 5 minutos primero de cada pase. 

Avda. de Tito Bustillo, s/n

33560 Ribadesella/Ribeseya

T: 985 861 255

Información y compra d' entraes: 902 306 600 / 985 185 860

CÓMO LLEGAR:

La entrada a la cueva d’El Pozu’l Ramu atópase asitiada a 300 metros del Centru d’Arte Rupestre.

El veceru qu’adquiriere la entrada a la cueva tien qu’acudir a la recepción del Centru d’Arte Rupestre como mínimu con 30 minutos d’antelación alhorariu del so pase pa identificar les sos entradas. En casu contrariu va perder el derechu d’entrada.

En coche:

Dende Oviedo/Uvieu:

Opción 1: A8 dirección Santander. Salida 326/Ribadesella/Ribeseya (entrada pel llau oeste de la villa). Primero de llegar a la  Ponte del Sella, torcer a la derecha pa siguir pela Avda. de Tito Bustillo. En llegando a la Cueva, fai falta siguir 300 metros hasta´l Centru d´Arte Rupestre.

Opción 2: A8 dirección Santander. Salida 319/Ribadesella/Ribeseya (entrada pel llau este de la villa). Siguir dirección Ribadesella/Ribeseya; en llegado al centru y depués de cruciar la Ponte del Sella, torcer a la izquierda pa siguir pela Avda. de Tito Bustillo. En llegando a la Cueva, fai falta siguir 300 metros hasta´l Centru d´Arte Rupestre.

Dende Cantabria: A8 dirección Asturias y dirección Santander. Salida 319/Ribadesella/Ribeseya. Siguir dirección Ribadesella/Ribeseya; en llegado al centru y depués de cruciar la Ponte del Sella, torcer a la izquierda pa siguir por la Avda. de Tito Bustillo. En llegando a la Cueva, fai falta siguir 300 metros hasta´l Centru d´Arte Rupestre.

N´autobús:

Pa información actualizada de rutes y horarios consulte la web de la Empresa Alsa: www.alsa.es

En ferrocarril:

Renfe mantién Ribadesella/Ribeseya comunicada por ferrocarril de vía estrecha pente medies de la llínea Oviedo/Uviéu-Santander. Pa información actualizada d´horarios consulte la so páxina web: www.renfe.com

HORARIOS:

Abierta del 2 de marzu al 30 d´ochobre de 2022
 
De miércoles a domingu, de 11:00 hores (primer pase) a 17:00 hores (últimu pase). Cerrao, llunes y martes y 6 y 7 de agostu.
 
La visita ta acutada a un númberu máximu de 30 persones per día (6 persones per pase).

TARIFES:

La compra de la entrada a la Cueva nun incluye la entrada al Centru d’Arte Rupestre nin a la Cuevona d´Ardines.

Nun s’almiten devoluciones nin cambéu d’entraes por cancelación del cliente o por nun llegar a la Cueva cola antelación precisa. Tampoco nun s’almiten cambeos de fecha nin modificaciones na tipoloxía d’entrada. 

Xeneral: 4,14 €.

Reducida: 2,12 €. Grupos a partir de 20 persones, de 7 a 11 años, mayores de 65 años, families numberoses, Carné internacional d´estudiante, Carné xoven acreditaos, Persones con discapacidá acreditaes.

Gratuita: Grupos d´enseñanza y guía oficial previa solicitú.

Día d´accesu gratuitu: miércoles.