El Chao Samartín

Grandas de Salime

Slide 2
Slide 2

Pobláu fortificáu asitiáu nun saliente del terrén con pendientes abruptes a oeste, norte y sur con accesu natural dende l'este.

La fundación remóntase a últimos de la Edá del Bronce, 800 a. C. Hai una primer trama de construcciones y fortificaciones de fosos y muralla de módulos de la Edá del Fierro, sieglu IV a. C. Sigue en dómina romana cola renovación de les estructures defensives y les característiques d'ocupación qu'apunten a la presencia d'un personaxe romanu d'altu rangu qu'alministraría les esplotaciones auríferes del occidente d'Asturies. 

Hai escavada una superficie de 5.500 m2 que dexa estremar trés sectores. El sector oeste correspuende a la ocupación más vieya del castru y al recintu cimeru. El sector norte, onde s'atopa una gran casa romana de dómina altoimperial, el sector sur, onde s'alcuentren les más de les edificaciones del recintu, de planta circular, oblonga y cuadrangular, destacando una plaza pavimentada y una estructura termal.

Servicios

Aparcamientu, Aula Didáctica, aseos.

Accesibilidá

El equipamientu nun ye accesible.

Accesu con mascotes

L'accesu de mascotes nun ta permitío.

Observaciones

Namás se permiten visites guiaes; nun ye posible facer visites llibres.

33737 Grandas de Salime

T: 985 627 143

CÓMO LLEGAR:

Dende Navia:

Pela N-634, cruciar la ponte perriba de la Ría de Navia, garrar l'AS-12 a Grandas de Salime.

Dende Grandas de Salime:

AS-28 dirección "Puerto del Acebo"

HORARIOS:

Abierto tol añu.

Llunes zarrao.

TARIFES:

Xeneral: 4 €

Reducida: 2,5 €