Joan Ponç i Bonet foi un artista rebelde, únicu y contradictoriu, convulsu y temerosu de la muerte, a la que siempre retrataba en forma de tortura. Un llocu obsesivu sosteníu pola cordura de la xenialidá.

La obra de Joan Ponç quedó nel olvidu, sepultada por otros grandes nomes de la historia del arte como Antoni Tàpies, Joan Miró o´l so admiráu Salvador Dalí, a quien frecuentaba de contino. Sicasí, les composiciones de Ponç, claramente al mesmu nivel que les d’estos otros maestros, más allá de la riqueza de la so simboloxía, inviten a atopar llinguaxes nuevos, tan variaos como obsesivos.

Cola collaboración y l´ayuda arrogante de la nieta del artista, Dña. Sarah Sabine Ponç, de la viuda, Dña. Mar Corominas, y de l´Asociación Joan Ponç, fuimos quien a montar una muestra única qu´abre l´universu máxicu d’esti xeniu de la pintura al gran públicu y que configura, nun tou unitariu, obres enxamás espuestes hasta agora.

Una esposición única que supón una vuelta al camín de la vida d´ún de los artistes más importantes del arte español del sieglu XX, imprescindible pa la comprensión de les vanguardies artístiques y con un universu máxicu tortuosu qu´exemplifica los miedos del ser humanu nes cotes más altes d´individualidá.