Circuitu d´actividaes de lliteratura

Pompas y pompones narra la historia de Martina, una neña a la que’l güelu siempre-y cuntaba histories de dalgunos personaxes qu’habitaben la tierrina. Col tiempu, Martina deprendió a lleer y a descubrir esos mundos increyibles al traviés de los llibros.

Una nueche, depués de lleer el so llibru favoritu, asocedió daqué máxico: cuando se quixo dar cuenta, atopábase nun monte increyible, acompañada del Busgosu y corriendo grandes aventures, con un Diañu, Xanes, l’Espumeru y otros personaxes mitolóxicos que la llevaron per paraxes impensaos. Esta ye una historia sobre la importancia de los cuentos, de la imaxinación, y de lo que pue ser capaz un neñu o una neña que vive la llectura como una gran aventura.