True West de Octubre Producciones
Avilés, 11/12/2021 20:00
Artes Escéniques
Xéneru: teatro
Dirixío pa: tolos públicos
Duración: 90 minutos
Preciu: 24 €. 19,20 € pa socios Club Cultura Asturies y Pasaporte Cultural.
Venta d´entraes: Centru Niemeyer, Llaboral Ciudá de la Cultura, CITPA y Entraes Liberbank
True West, L´auténticu Oeste, estrenada en 1980, ta etiquetada dientro de la obra de Sam Shepard como drama familiar y reflexona sobre la identidá, tanto individual como cultural. Los conflictos familiares, l´absurdu, el mundu de los perdedores…, son dellos de los temes que se colen nesta xoyina del Off teatral.
Meciendo un llinguaxe directu, imaxinativu, y musical con una prosa poética, Shepard fai que tanto la historia como los personaxes tengan una complexidá y riqueza a l’altura de los drames americanos más grandes. El testu ta enllenu d´humor, violencia o sátira y transita de lo que llamamos el naturalismu americanu al realismu máxicu.
Agora llega a la escena esti montaxe que dirixe Montse Tixé a partir de l´adaptación del testu d´Eduardo Mendoza.