Circuitu Autores nel camín 2021

El Circuitu Autores nel camín pon en contactu al públicu asturiano colos autores ganadores de los premios convocaos pola Conseyería de Cultura, Política Llingüística y Turismu al traviés de alcuentros, recitales o talleres literarios.

José Ángel Gayol acaba de recibir el Premiu Xosefa Xovellanos de novela n’asturianu con La cafiante muerte de Nicolai Bostov y recibió nel 2019 el Premiu Máximo Fuertes Acevedo d’Ensayu en llingua asturiana cola obra El silenciu invisible.

José Ángel Gayol (Mieres del Camín, 1977) ye escritor y críticu lliterariu. Depués de ganar el Premiu Asturias Joven de Poesía nel añu 2006, empecipió una amplia y fecunda carrera lliteraria con incursiones en dellos xéneros —novela, poesía, teatru y ensayu— y reconocimientos importantes, ente los que s’incluyen los premios de poesía Elvira Castañón, Fernán Coronas y Xuan María Acebal, o’l mesmu Premiu d’Ensayu Máximo Fuertes Acevedo, que yá llogró nel 2015 cola obra Vértigu. No que fai a la so faceta de críticu lliterariu, Gayol ye autor d’abondes reseñes crítiques publicaes en periódicos y revistes como Clarín, Reloj de Arena, Paralelo Sur, Formientu, esTandoriu o’l diariu La Nueva España, ente más otros.