Duración: 94 min

Ficha completa

La colcha y la madre

Una ma va visitar a la fía, xusto cuando esta diba salir. La fía tien muncha priesa: discutió col home y como nun llegue a la so esposición nueva, la rellación peligra. Pero la ma tien-y un regalu. Y una mala noticia. Si-y da dos minutos, cúnta-yla.

Los ladrillos

Nel so primer viaxe a los Estados Uníos, Tito Montero sigue los pasos d’Eduardo Galeano peles cais de Chicago pa trazar un percorríu posible al monumentu a los Mártires de Haymarket, símbolu de la llucha mundial polos derechos llaborales y orixe de la celebración anual, cada primeru de mayu, del Día Internacional de los Trabayadores. Les palabres del cineasta y la so historia obrera familiar entecrúciense coles del escritor uruguayu y les d’otros referentes lliterarios pa componer un trayectu personal y colectivu tanto pel espaciu como pel tiempu.

Moru

Moru ye la vida de munches persones, ye la so infancia, el so pasáu. La xente quier que s’arregle’l so edificiu vieyu pa poder restaurar los sos propios recuerdos.

Nyami Nyami

Una historia de barcos perdíos, marineros desapaecíos y d’un llobu de mar vieyu en tierra cuando la primer fola de la pandemia del 2020.

La programación cinematográfica ufiertada por Llaboral Cinemateca ta coordinada pol Festival Internacional de Cine de Gijón/Xixón (Divertia Gijón SA)