Entamamos con un percorríu peatonal y llinial que sal de la Sienda del Osu, el tramu de Buyera a Caranga Baxu, d’unos 5 km, del que vamos salir pa facer una visita a Proaza.

En La Plaza, en Teberga, vamos conocer la Colexata de San Pedro, ilesia del primer románicu d’Asturies; na sacristía hai un muséu que guarda los cuerpos momificaos del Marqués de Valdecarzana y el so fíu Pedro de Miranda. Va parase en Samartín pa xintar y, al traviés de L’Altu Ventana (entrada de los pelegrinos en dirección a Uviéu y una variante de los Caminos del Salvador) vamos empobinar pal Parque de la Prehistoria de Teberga pa descubrir l’arte del Paleolíticu Superior Européu nuna contorna natural privilexada, nel Parque de Penubina-La Mesa.