La Colección d´arte ABANCA ta conformada por más de 1300 obres d´artistes y époques mui distintes, fechu que la convierte nuna de les colecciones d´arte contemporanéu más importantes de Galicia y, por estensión, una de les más destacaes d´España.

Les obres que conformen esta importante muestra van dexar al visitante facer un percorríu polo meyor de trés de los movimientos de vanguardia más importantes de la pasada centuria: cubismu, astracción y surrealismu. A ellos suma, amás, una selección de lo más destacao del arte español de los años cincuenta hasta´l final del sieglu XX, na que s´atopen representaos los principales movimientos y artistes que lu protagonizaron.