El Festival Internacional de Cine de Xixón va celebrar la 59 edición ente´l 19 al 27 de payares en dellos espacios de la ciudá anque ensin renunciar a la so estensión dixital FICX.TV. C´mon C´mon. Siempre adelante, la película nueva del prestixosu cineasta estaunidense Mike Mills, va abrir la 59 edición del FICX y va pone-y el ramu la película Tralala, de los hermanos Jean-Marie y Arnaud Larrieu.

A les secciones oficiales Albar, Retueyos, Tierres en Trance y de Cortiumetraxes axúntense la veterana Enfants Terribles pa escolinos, Esbilla, Asturies Curtiumetraxes o los pases especiales y la entrega del Premiu d’Honor FICX 2021 a la actriz Chiara Mastroianni, del II Premiu Isaac del Rivero al cineasta Gonzalo Suárez, en reconocimientu a la so trayectoria creativa, y del premiu Muyer de Cine a la directora, guionista y actriz Icíar Bollaín.

Programa completu de proyecciones en Xixón

Amás, les Estensiones del Festival vuelven a llevar dalgunos de los títulos más destacaos d´esta y de la edición anterior del FICX a otros llugares d´Asturies, nesti casu a Avilés, Cangues d´Onís, Colunga, Llangréu, Ḷḷena y Villaviciosa.

Programa del ciclu Estensiones