Odón García González, natural d´Uviéu, empecipió´l so deprendizaxe dientro de la canción asturiana a los 35 años na Escuela de Música Tradicional Manolo Quirós d´Uviéu, primero al traviés de Josefina Argüelles, La calandria de Vegadotos, y dos años depués de la mano d´Anabel Santiago. Dende entós, y hasta 2020, tuvo esperiencies enriquecedores que quinxo amosar y inmortalizar en Orbeiru, trabayu d’once cortes que recueye delles tonaes asturianes y asturianaes, y qu’ensin tenelo previsto ta dedicáu de mou esplícitu al mundu de la sanidá y la ciencia.

Ente pieza y pieza, los comentarios distendíos d´Odón van esplicar los sos porqués y tamién van buscar la empatía del públicu. Acompáñenlu músicos destacaos del panorama asturianu colos que desarrolla la música en distintes formaciones.