Circuitu d’actividaes d’artes escéniques

Carlos, Policía. Marga, Ama de casa. Depués de munchos años de casaos ven que lo d´ellos nun furrula. A ver, sobre too, velo Marga, que yá nun ye a aguantar más la situación. Pa intentar iguar les coses deciden facer un viaxe. Garrar unes vacaciones y intentar arreglalo too. Y, como tol mundu sabe, el meyor sitiu pa solucionar los problemes d´un matrimoniu ye… París.

Paez que d´esta va salir too perfecto. Carlos pidió dellos díes llibres nel trabayu y aplicóse muncho en preparar la «maleta». Marga ta ablucada cola actitú d´él. Y el xefe de Carlos hasta-yos punxo un coche pa dir al aeropuertu, pero, de secute, unos homes atáquenlos y tienen que se meter dientro d´una estación de metru pa escapar. Ellí empieza l´aventura.