Rafa Fernández - Aldán
Xixón, 12/01/2022 19:30
Música
Temática: jazz
Dirixío a: tolos públicos
Aldán ye´l tercer trabayu discográficu del músicu gallegu Rafa Fernández. Siguiendo la sienda trazada nel so álbum anterior, A cara bonita da pedra Free Code, 2017, el guitarrista ufiértanos una serie de pequeñes composiciones envolventes y minimalistes revistíes con proyecciones audiovisuales. Propuestes harmóniques, y melodíes cencielles qu´en directo garren dimensión gracies al diálogu ente los músicos, pa ufiertar un espectáculu onde les atmósferes sonores van tresportar al espectador.
La prensa especializada fala de un jazz descriptivu, enllenu d´imáxenes poétiques y suxerentes, pero tamién un jazz que dexa zarrar los güeyos y meditar sobre la vida, sobre la música, sobre cualquier asuntu al que nos lleve la guapura de los sos pasaxes.