Circuitu d´actividaes d´artes escéniques

Voces entrellaza trés histories que tienen como denominador común la violencia de xéneru. Violencia qu’amosamos en diferentes contextos y manifestaciones. Vamos conocer la historia d’Arlet y Nut, dos muyeres que namás puen rir, tar de chancia y ser elles mesmes na clandestinidá de so casa. Muyer 1 y muyer 2 nun tienen nome propiu porque representen a tantes y tantes muyeres víctimes d’esclavitú sexual y qu’a “voces” reclamen ayuda. P’acabar, el sufrimientu de les víctimes colaterales d’esta lacra social, los neños y neñes tamién cobren protagonismu nuna historia que xuega cola analoxía de los cuentos tradicionales y el machismu qu’hai soterráu nellos.