Que me salga bien el niño de A66 Producciones
Pravia, 20/05/2022 20:00
Artes Escéniques
Circuitu d’actividaes d’artes escéniques

Xéneru: teatru
Dirixío a: públicu adulto
Duración: 70 minutos
Un matrimoniu con dificultaes pa tener descendencia ta dispuestu a lo que seya con tal de consiguilo. Una muyer percuerre 500 km pa facer una sesión de semeyes al so fíu. A partir d’estes dos premises, téxese una comedia d’enriedos y dobles sentíos, que provoquen situaciones de gran hilaridá. Esta pieza ye un exemplu de la riqueza del llinguaxe, capaz a tresmitir, coles mesmes palabres, mensaxes bien estremaos. Trátase d’una comedia bien fresca y daqué picante, la cuenta pa un públicu que’l so oxetivu principal seya tener una sesión de risoterapia. Los conflictos son persimples, nada fondos. Los personaxes tán bien caracterizaos, ensin llegar a ser personaxes tipu. Ye en definitiva una comedia al más puru estilu costumista.