La naturaleza llibre y enigmática d’una muyer llamada Carmen, la so guapura meridional, el so carácter arrebatador y pasional, faen que’l sarxentu José se convierta en víctima y protagonista d’acontecimientos estraordinarios, d’amores turbulentos y pasiones incontrolables, nuna cadena de fatalismu, celos y sangre. En baldre va humildase énte Carmen, ufriéndo-y una vida rica y feliz faciéndose pasar por Escamillo Torero de Granada.

Les palabres d’amor apasionaes caen nel vacíu y na más terrible de les indiferencies. Y la impotencia y la pasión emburrien una vez más la mano de José pa contra la navaya desnuda. ¿Qué otra cosa podía facer? Si cada episodiu d’amor ye una mentirina y un xuegu, ¿cómo se pue retener tol amor de Carmen y se pue abrazar el so fueu abrasador?