Circuitu d´actividaes de lliteratura

Leer la ciencia ye un proyectu pedagóxicu y divulgativu col que se quier averar la ciencia a los neños y neñes d’ente 6 y 12 años.

El proyectu propón la creación d’un itinerariu d’aprendimientu centráu nos saberes científicos, pero impulsáu pol espeyu ficcional que la lliteratura infantil proporciona a la infancia: un llaboratoriu de vivencies onde la valoración d’alternatives y la busca de soluciones resulta significativa y estimulante.

Vamos valinos del llibru, ferramienta pedagóxica destinada a conectar la curiosidá natural que caracteriza’l mundu infantil colos hábitos científicos, ayudando a un procesu educativu fundamental pa la nuestra sociedá.