Circuitu d’actividaes temátiques Xacobéu 2022

Conciertu a cargu d’El Coro de las Otras Voces, pa facelu nuna ilesia perteneciente al Patrimoniu Cultural Asturianu. Primero del conciertu va facese una visita guiada a la ilesia, que, si se pue, suponga el final d’una ruta cultural per otres ilesies d’interés del conceyu. La ruta va guiala un llicenciáu n’Historia del Arte, con esperiencia nesta clas d’actividaes y especializáu nel patrimoniu artísticu de l’Asturies rural.

El conciertu entama cola canción más antigua de la qu’hai partitura, sigue con obres de polifonía medieval y renacentista vinculaes al Xacobéu, y remata con polifonía tradicional asturiana. Trátase amás d’una actividá comentada, col oxetivu de poner en valor la música presentada y incluyila nel contestu.