Circuitu d´actividaes musicales

Formáu por cuatro músicos con una  trayectoria bien llarga: Xaime Arias (pianu y teclaos), Oscar Santos (baxu), Sergio Pevida (percusión y batería) y Vaudí Cavalcanti (guitarra, percusión y voz), Vaudí amiesta´l Boleru, el Tangu, la Salsa o la Bossa Nova col Jazz d´una manera desenfadada, entreteniendo y emocionando al públicu dende la primer nota. Los conciertos conviértense nun  paséu prestosu per estos estilos de la mano de cuatro músicos con dellos discos editaos n´España y con cientos de conciertos per tola xeografía española y tamién en países como Brasil, Francia o Inglaterra, y cuntaron cola collaboración de grandes artistes como Víctor Manuel, Carlinhos Brown, Nuberu o Armandinho Macedo, ente otros.