Circuitu d´actividaes de cultura tradicional asturiana

Cantares y contares naz col espíritu de los xuglares que cantaben y cuntaben histories de pueblu en pueblu, caminantes incansables, tresmisores de cultura, creadores de suaños, portadores de llinguaxes variaos colos qu´informar y entretener a la xente. Danzando, recitando, cantando, animando títeres y maquinaries fantástiques, espertando a seres del imaxinariu colectivu, recuperando l´alcordanza d´otros tiempos sobre los que llevantaron los actuales…

Esti espectáculu quier ser una manifestación artística variada, conformada por dellos cuadros llevaos a escena con llinguaxes estremaos: una danza tradicional del monte asturianu, la intervención allegre y circense de la cabra, cantares de la tierra que llaten al son de panderos, histories de los antepasaos que llegaron a los nuestros oyíos, personaxes mitolóxicos que nos acompañen dende tiempos inmemoriales.