Circuitu d´actividaes de cultura tradicional asturiana

Xugando al liriu ye una esperiencia qu’amiesta’l taller desplicativu cola práutica del xuegu y empobínase a un públicu familiar, col oxetivu de que los más mayores s’animen a compartir les sos esperiencies colos más nuevos.

Colos nomes de "liriu", "palu", "paliyu", "billarda" o "birya”, conócense n’ Asturies una esbilla de xuegos que tienen como nexu de xuntura la aición motriz: golpear un palu pequeñu y afiláu poles puntes (el liriu) con otru de mayor tamañu (la machorra) pa llevantálu del suelu y, una vez nel aire, llanzálu con otru güelpe.