Circuitu d’actividaes temátiques Xacobéu 2022

Dicen que cada familia ye un mundu, pero hai dalgunes que son galaxes complexes enllenes de campos magnéticos qu’atraen p’hacia elles los socedíos más estrambóticos qu’ún pueda imaxinar.

Los Tuñón, una familia disparatada, inverosímil, surrealista que, depués de perder al patriarca de la familia, decidió cumplir la so última voluntá: “Espardéi les mios cenices pel Camín de Santiago”. La familia va llevar a cabu esta misión, intentando sufragar el viaxe coles actuaciones que faen en cada pueblu, ciudá o albergue d’esti pelegrinaxe.

Los Tuñón. Un espectáculu de cai pa tolos públicos en clave de comedia disparatada, con actuaciones musicales, coreografíes y munches rises.