Circuitu d’actividaes temátiques Xacobéu 2022

Dos pícaros charranes acompañaos por un músicu mudu, na so ruta pel Camín de Santiago, busquen ganar unes monedes o dalgo de comer cuntando la historia de los doce reis que tuvo Asturies, dende Don Pelayo (año 718) hasta Alfonso III (año 866). Pa facer más entreteníu’l rellatu, dramaticen la vida d’estos reis tan importantes y cunten col acompañamientu musical d’un probe mudu.

Van destacar la historia d’Alfonso II, que reinaba cuando se descubrió la tumba del apóstol. Y van revivir l’anécdota del rei Ramiro I, a quien depués d’apaecése-y Santiago Apóstol en suaños y ganar al otru día una batalla, instauró el vezu de llevar ufiertes a la tumba de Santiago, reforzando d’esta manera la idea del Camín que conocemos anguaño.