Circuitu Autores nel camín 2022

Producciones Nun Tris recibió nel 2021 el Premiu Nel Amaro de Teatru Profesional en llingua asturiana y eonaviegu cola obra La reina de la guapuera de Leenane.

Nun Tris, fundada en 1992 como compañía amateur y profesional dende 1997, ye una de les compañíes más versátiles y veteranes del panorama teatral n’Asturies, con más de 54 espectáculos de toa mena. Tamién ye una de les compañíes que más apuesta pol asturianu, yá que la metá d’estes propuestes, aproximao, tán nesta llingua. Primero d’esto foi finalista del Festival Nel Amaro n’otres dos ocasiones, con ¡Aire!, y cola adaptación de la ópera de Mozart Los amorinos de Bastián y Bastiana.