De la oscuridad a la luz

Ribeseya, 23/03/2022 11:00

Artes Visuales

De la oscuridad a la luz
Centru d´Arte Rupestre Tito Bustillo

Del 23 de marzu al 30 d´avientu de 2022

Horariu de visita: de miércoles a vienres, de 09:45 a 17:30 h. Sábados, domingos y festivos d´apertura, de 09:45 a 18:30 h.

Centru d´Arte Rupestre Tito Bustillo

33560 Ribadesella / Ribeseya

T: 902 306 600 / 985 185 860

Más información

El Centru d’Arte Rupestre Tito Bustillo y el Muséu Arqueolóxicu d’Asturies propónente una ruta pela Historia al traviés de la muestra de materiales qu’apaecieron nos xacimientos del oriente asturianu. Dende los almacenes del Muséu Arqueolóxicu d’Asturies van viaxar hasta’l Centru Tito Bustillo materiales arqueolóxicos inéditos, nunca espuestos, que van dexar al públicu ver pieces del Paleolíticu: útiles que valieron pa cazar, otros pa pescar, coser, adornase… y qu’enseñen cómo yera la vida nel Paleolíticu. Pero tamién van viaxar materiales de la Edá de Fierro y época romana.

La muestra De la oscuridad a la luz cunta con paneles informativos sobre les principales cueves de la rodiada y les escavaciones arqueolóxiques feches na zona y va cambiar de manera periódica’l conteníu de les vitrines y los recursos que la acompañen p’abordar temátiques:

Caza y pesca. Del 23 de marzu al 19 de xunu.
Arte mueble. Del 22 de xunu al 15 d’agostu.
Vistíu, adornos y colgantes. Del 17 d’agostu al 16 d’ochobre.
Mesolíticu a romanización. Del 19 d’ochobre al 30 d’avientu.

La esposición complétase con abondes actividaes pa tolos públicos que van ayudar a afondar en cada pieza o colección. Asina, va haber actividaes familiares, conferencies, talleres especializaos, cursos… que van arriquecer la visita al Centru d’Arte Rupestre y a esta muestra.