Proyección de la ópera de Charles Gounod

Frustráu pola inútil busca de conocimientu, el vieyu eruditu Fausto vende la so alma al diañu en cuenta de la eterna mocedá y de la bella Marguerite… Gounod recrea´l mitu popularizáu por Goethe poniendo énfasis na historia d´amor, y magnificando la cayida y la salvación final de Marguerite. La elección d´allixerar l´algame filosóficu de la historia déxa-y atopar un equilibriu ente les escenes onde lo sobrenatural esixe la grandiosidá, y un universu rexíu pola interioridá de l´acción y los sentimientos. La partitura de Gounod ye un tour de force d´invención melódica, que revela na escritura vocal la capacidá del compositor pa tresmitir emociones sinceres y inmediates.