En un muelle de Normandía d´Emmanuel Carrère

Xixón, 10/06/2022 19:00

Cine

Dirección: Emmanuel Carrère

Añu: 2021

Duración: 106 min

Llingua: V.O. en francés subtitulada n´español

Ficha completa de la película

Marianne Winckler, una escritora de sonadía, decide escribir un llibru sobre la precariedá llaboral viviendo esta realidá de primer mano. Pa eso, escondiendo la so identidá, atopa trabayu como llimpiadora nun pueblu de Normandía, al norte de Francia, y descubre una vida inorada pol restu de la sociedá onde cada euru ganáu o gastáu importa. A pesar de la dureza de la esperiencia, la solidaridá ente compañeros crea llazos fuertes d’amistá ente Marianne y los demás trabayadores. L’ayuda mutua lleva a l’amistá y l’amistá a la confianza, pero… ¿qué pasa con esta confianza cuando la verdá sal a la lluz?

 

Esti film del escritor, guionista y realizador francés Emmanuel Carrère -Premiu Princesa d’Asturies de les Artes nel 2021- recibió’l Premiu del Públicu a Meyor Film Européu nel Festival de San Sebastián 2021.

 

La programación cinematográfica ufiertada por Llaboral Cinemateca ta coordinada pol Festival Internacional de Cine de Gijón/Xixón (Divertia Gijón SA)
 ficx_300_136